中學班主任因爲喺電台聽到三十已過，所以約咗出嚟食飯講吓近況，我話覺得自己好似無咩長大同改變過，佢話有一樣一定無得否認，就係已經由一個男仔變成一個男人。我哋講咗好多中學時候嘅趣事，講到自己以前有幾唔中意讀書，上堂會偷走，放學搣咗個校章走去機鋪打機，最討厭就係考試，我記得當年公開考試壓力大到夜晚瞓教俾鬼砸，雖然最後死背爛背勉強過關，但最後又無安份守己搵份穩定工作，最估唔到嘅係以前中文好差又詞不達意嘅我，宜家居然走咗去寫歌，呢個世界真係充滿無限可能，甚至係你從來無想像過。
所以呢，容我講一句，準備緊考DSE嘅同學仔，唔需要太過加油，放鬆心情去面對就好了，將來你一定會比你現在想像中的更厲害。
#世界有幾多規則道理與教訓教你要安守本份 #卻沒有一種偏執叫將生命熱情捉緊 #24 #順利sell吓首歌 #DSE同學仔未來終究是你們的
Search